Retire your career,
not your life!
Club Kibrahacha ta promove e bienestar di nos grandinan pa nan por keda saludabel y participa activamente den nos sociedad.
Arte
Movecion
Recreacion
Ken nos ta?
Club Kibrahacha a wordo funda na aña 1983 riba iniciativa di Aruba Rotary Club. Despues di hopi preparacion, “Fundacion Centro Pa Nos Grandinan” a establece oficialmente 9 di september 1985 den e districto di Piedra Plat.
E meta di e fundacion ta pa establece y mantene un centro di actividad pa nos grandinan.
Kico nos ta haci?
Club Kibrahacha ta promove un manera independiente di biba pa nos grandinan den e sociedad moderno basa riba nan capacidad y oportunidad. Cu e resultado di nos servicionan, nos ta fiha riba participacion y bienestar di nos grandinan pa un actitud positivo, provee nan cu un miho cuido di salud, pa ta independiente, pa obtene mas conocemento y tambe pa participa den interaccion social. Cu e ayudo di nos boluntario- y personalnan nos ta brinda un calidad halto di servicio na nos participantenan.
Bira miembro
Regla di miembresia:
- Miembresia ta disponibel pa tur cu ta 60 aña of mas.
- E miembro mester por ta habil pa move independientemente.
- E miembro mester ta mentalmente activo (no ta sufri di Alzheimer / comienso di fase di demencia).
Pa informacion tocante miembresia por yama na Club Kibrahacha 582 8159.
Pa inscribi pa bira un miembro ta pasa libremente na Club Kibrahacha na Piedra Plat 23.
Contribucion pa luna:
Pa persona 30,- Awg
Contribucion pa luna:
Pa pareha 50,- Awg
Club Kibrahacha ta ofrece diferente actividad pa tur miembro participa aden manera actividad fisico, arte, recreacional y actividad educativo. Nos actividadnan diario ta tuma luga di dialuna pa diabierna di 9:00 pa 11:30. Mas abou por mira tur e actividadnan hunto cu nan orario y dia.
Obra di man
Un programa creativo cu ta haci uso di un variacion di diferente materialnan
- 9:00 am - 11:30 am
- Dialuna pa diabierna
Cardio Fit
E forma di ejercicio aki ta fortalece e spieren di pia, schouder y lomba. Tambe yuda contribui pa un condicion fysico optimal.
- 09:30 am - 10:30 am
- Dialuna
- 09:30 am - 10:30 am
- Diabierna
Computer les
Den e lesnan di computer pos siña e basico nan di con pa traha cu computer of laptop. Tambe por haci uso di smartphones y tablets.
- 08:00 am - 11:30 am
- Dialuna pa Diabierna
Servicio di transporte
Club Kibrahacha tambe ta brinda servicio di transporte di bo cas pa bo cas. Cu otro palabra ta busca y hiba bek e participantenan na nan cas. Un biaha pa siman tur districto di Aruba ta haya un chens pa bishita Club Kibrahacha. Nos transportacion ta pasa busca e participantenan 8’or y ta trece nan bek cas ora cu e actividadnan caba. E servicio aki ta inclui den e contribucion pa luna.
Pa Club Kibrahacha por ofrece un variedad grandi di actividad pa nos grandinan y tambe otro trabou cu mester haci na e fundacion, e ta conta cu su boluntarionan.
Bira Boluntario
“Alone we can do so little, together we can do so much”
