Miembro & Boluntario
Nos miembro
Nos miembronan ta un grupo di hende mayor cu ta energetico, gusta diversion y cu ta dispuesto pa tuma parti den actividad nobo pa asina stimula nan salud fisico y mental. Nan ta tuma parti den actividad diario manera obra di man, bingo, domino, musica, ‘dance fit’, ‘cardio fit’ etc. Nan ta liber pa scoge cualkier actividad cu nan ta interesa aden. Club Kibrahacha tambe ta provee nos miembronan cu diferente celebracion y actividad special manera Dia di Mama y Tata, ‘Summer Camp’, cena di Pasco y tambe un variedad di tayer (workshop).
Con pa bira miembro?
Pa informacion tocante miembresia por yama na Club Kibrahacha 582 8159.
Pa inscribi pa bira un miembro ta pasa libremente na Club Kibrahacha na Piedra Plat 23.
Regla di miembresia:
1. Miembresia ta disponibel pa tur cu ta 60 aña of mas.
2. E miembro mester por ta habil pa move independientemente.
3. E miembro mester ta mentalmente activo (no ta sufri di Alzheimer / comienso di fase di demencia).
Bira miembro
Contribucion pa luna
Pa Persona 30,- AWG
Contribucion pa luna
Pa Persona 50,- AWG
Contribucion
Ora di bira un miembro, e prome biaha mester paga placa di inscripcion hunto cu e contribucion pa luna (AWG 60 / AWG 100). Despues di esaki ta paga un suma so pa luna (AWG 30/ AWG 50).
Placa di inscripcion:
AWG 30,- pa persona
AWG 50,- pa pareha
Contribucion pa luna:
AWG 30,- pa persona
AWG 50,- pa pareha
Alone we can do so little, together we can do so much.
Bira Boluntario
Pa Club Kibrahacha por ofrece un variedad grandi di actividad pa nos grandinan y tambe otro trabou cu mester haci na e fundacion, e ta conta cu su boluntarionan.
Club Kibrahacha ta ofrece diferente trabou boluntario manera chauffeur di bus, bingo, recreatie, computer, gym, front office etc. Tur esaki ta depende kico e boluntario mes ta desea di haci y hunto ta yega na un palabracion cu na final lo percura pa tin un bon team.
